क्रिसमसमा बिदा दिने, रामनवमीमा काट्ने ? निर्णय सच्याऊ’ – कमल थापा

। नेपाल सरकारले २२ वटा सार्वजनिक बिदा कटौती गरेको छ । बुधबार बसेको मन्त्रिपरिषद्को बैठकले २२ वटा बिदा कटौतीको निर्णय गरेको हो ।

यो वर्ष १०४ दिन सार्वजनिक बिदा रहेको र आगामी वर्ष ८९ दिन मात्र सार्वजनिक बिदा हुनेछ । तर, २२ वटा सार्वजनिक काट्दा हिन्दु धर्मावलम्बीले मान्दै आएको चाडपर्वको काटिएको भन्दै विरोध सुरु भएको छ ।

राप्रपा अध्यक्ष कमल थापाले सरकारलाई आफूले गरेका निर्णय सच्याउन माग गरेका छन् ।

उनले राष्ट्रिय एकता दिवस र सनातन धर्मावलम्बीहरूरुको महत्वपूर्ण धार्मिक र सांस्कृतिक पर्व बिदा कटौती गर्ने निर्णय दुर्भाग्यपूर्ण भनेका छन् ।

उनले आफ्नो फेसबुक मार्फत बिदा सच्याउन आग्रह गरेको छ ।

थापाले आफ्नो फेसबुकमा यस्तो लेखेको छ :

राष्ट्रिय एकता दिवस र सनातन धर्माबलम्बीहरुको महत्वपूर्ण धार्मिक/सांस्कृतिक पर्वबिदा कटौती निर्णय दुर्भाग्यपूर्ण।क्रिसमसमा बिदा दिने तर श्रीकृष्ण जन्माष्टमी,रामनवमी र घटस्थापनामा बिदा नदिने निर्णय पुर्वाग्रही छ।सरकार हिन्दुधर्म कमजोर बनाउने षडयन्त्रको संवाहक बन्यो।निर्णय सच्याउ