कपाल फुल्यो ? लगाउनुहोस आलुको बोक्रा

तपाई कपाल फुल्यो भनेर चिन्तामा हुनुुहुन्छ भने अब तपाई विभिन्न क्लिनिक धाउन तथा अनेक केमिकलयुक्त कलरहरु खोज्न नजानु नै राम्रो हुन्छ । अब आफ्नै भान्साबाट तपाईले आफ्नो सेतो कपालको निदान पाउन सक्नुहुन्छ । बढ्दो प्रदुषण, आहारमा पोषक तत्वको कमी , तनाव आदिका कारणले स्वस्थ्य मात्र नभई तपाईको कपालमा पनि उत्तिकै असर पार्दछ । हो , यी विविध कारणले गर्दा उमेरभन्दा अगाडि नै तपाईको कपाल सेतो देखिन सक्छ । यसबाट बच्ने हो भने आफ्नो भोजनमा हरियो सागसब्जी , फलफुल तथा प्रोटियुक्त आहार समावेश गर्न भुल्नु हुँदैन ।

तपाईले छिलेर फाल्ने आलुको बोक्रा शरिरका लागि मात्र नभई कपालका लागि पनि उत्तिकै महत्वपुर्ण छ भन्दा तपाईलाई अचम्म लाग्न सक्छ । आलुको बोक्रामा पाइने स्टार्चले कपालको सुरक्षा साथसाथै जरालाई पनि बलियो बनाई कपाललाई सेतो बन्न दिँदैन । आलुको बोक्रमा भिटामिन ए, बी तथा सी हुने गर्दछ । जसले कपालमा जम्ने तेललाई हटाएर सफा बनाउने , चयाँ हटाउने आदि कार्य गर्दछ । यतिमात्र नभइ आलुको बोक्रा फलाम( आइरन) , जिंक, पोटासियम तथा क्याल्सियम जस्ता अनेकौँ मिनरल्सहरु पाउन सकिन्छ । जसले कपाल झर्नबाट बचाउने गर्दछ । आलुमा पाइने स्टार्चले एक प्रकृतिक कलर (रंग) को रुपमा कार्य गर्दछ र कपाल सेतो बनाउन रोक्नुका साथै कपालमा चमक पनि प्रदान गर्दछ ।
आबस्यक सामाग्री : आलुको छिल्का –२-३ वटा आलु
लेवेन्डरको तोल अवस्यकता अनुसार ।

बनाउने तरिका
– २-३ वटा आलु लिएर छिल्का निकाल्ने
– यस छिल्कालाई एक कप चिसोपानीमा हाल्ने ।
– बोक्रालाई एउटा भाडामा उमाल्ने
– उम्लिएपछि यसलाई ५ देखि १० मिनेटसम्म सानो आगोमा पकाउने
– यो मिश्रण केही समयका लागि चिसो बनाउन एउटा भाँडोमा राख्ने ।
– यसको गन्धबाट छुटकारा पाउन केही थोपा लेभेन्डरको तेल हाल्न सकिन्छ ।

प्रयोग तरिका 
यस मिश्रणलाई सफा तथा हल्का चिसो कपालमा लगाउँदा राम्रो काम गर्दछ ।यो मिश्रणलाई बिस्तारै विस्तारै लगाएर ५ मिनेटसम्म मसाज गर्न सकिन्छ र ३० मिनेट यत्तिकै छाड्न सकिन्ट । केही समयपछि चिसो पानीले धुनुपर्छ ।

नोट: "माथि उल्लेखित स्वास्थ्य सम्बन्धि जानकारी विभिन्न अनलाइन तथा पत्र-पत्रिकाहरुबाट साभार गरिएको हो। यी बिषयवस्तुहरु केवल जानकारीको लागी मात्र यहाँहरु समक्ष प्रस्तुत गरेका हौँ। कुनै पनि स्वास्थ्य सम्बन्धि टिप्सहरु प्रयोग गर्नु भन्दा पहिला अनिवार्य रुपमा चिकित्सकको सल्लाह लिनुहोला।"