यस्ता छन् नङ फुल्नुका ५ कारणछन्

• समाचार
• राजनीति
• अर्थ
• खेलकुद
• विशेष
• चलचित्र
• स्वास्थ्य विशेष
• विश्व
• पत्र पत्रिका
• रोचक / विचित्र
• भिडियो
• हाम्रो टीम

यस्ता छन् नङ फुल्नुका ५ कारण

काठमाडौं । हाम्रो समाजमा आजपर्यन्त नङ फुलेका राम्रो र नयाँ लुगा लगाउन पाइने धारणा छ । तर, शरीरमा विभिन्न तत्वको कमी तथा अन्य कारणले नङ फुल्ने गर्छ । नङमा देखिने सेतो धर्सा वा थोपालाई नङ फुलेको भन्ने गरिन्छ ।

किन फुल्छ त नङ ?

१. नङमा चोट :

नङको तल्लो भागमा चोट लागेमा वा नङ थिचिएमा पनि नङ फुलेको (सेतो दाग) देखिन्छ ।

२. एलर्जी प्रतिकृया :

नङमा हुने एलर्जीका कारण पनि नङमा सेतो दाग देखिँदा फुलेको भन्ने गरिन्छ । तर, नङमा लगाइने पोलिसको एलर्जीका कारण नङमा सेतो दाग देखिन्छ ।

३. जिङ्कको कमी :

शरीरका लागि जिङ्क अतिआवश्यक तत्व हो । साथै जिङ्कको अभाव भएमा नङमा समेत सेता दाग देखिन्छ ।

४. प्रोटिन र क्याल्सिमयको कमी :

जिङ्कको अभावले जस्तै प्रोटिनको कमीले पनि नङमा सेतो दाग देखिने गर्छ । नङमा देखिने दागहरु शरिरमा प्रोटिनको मात्रा सामान्य अवस्थामा आउँदा हराउने गर्छ ।

यस्तै, क्याल्सियमको कमीले पनि नङमा सेतो दाग देखिने गर्छ ।

५. रोगको लक्षण :

केही रोगको लक्षणको रुपमा नङ फुल्ने गर्छ । लामो समयसम्म नङ फुलेमा (दाग देखिएमा) चिकित्सकलाई देखाउनु उचित हुन्छ । धेरै नङ फुल्नु लिभर, हेपाटाइटिस, किड्नी, एनेमिया लगायतका रोगका लक्षण हुन् ।