रोजगारीको सिलसिलामा कतार गएका २१ बर्षिय एक नेपालीको मृत्यु

रोजगारीको सिलसिलामा कतार गएका २१ बर्षिय एक नेपालीको मृत्यु

रोजगारीको सिलसिलामा कतार गएका एक नेपालीको  मृत्यु भएको छ ।  जिल्लाको स्यालाखदी–६ पहाडाका २१ वर्षीय गोविन्द बुढाको मृत्यु भएको हो । शुक्रबार साँझ कामबाट आएर खाना खाएर सुतेको र आज बिहान मृत अवस्थामा फेला परेको पीडित परिवारले जानकारी दिएको छ ।
दुई वर्ष पहिले बुबाको मृत्यु भएपछि र आमाले अर्कैसँग विवाह गरेपछि आर्थिक चपेटामा परेका बुढा गत असारमा रोजगारीका लागि कतार गएका थिए ।
बुढाको शव नेपाल ल्याइदिनका लागि परिवारले सरकारसँग अनुरोध गरेको छ ।